У нашай дашкольнай установе прайшло свята для дзяцей "Восеньскі Кірмаш". Мерапрыемства было арганізавана сумесна з бацькамі, якія актыўна ўзаемадзейнічалі з педагогамі і дзецьмі.
На свяце панавала добразычлівая, цёплая атмасфера. Дзеці спявалі беларускія песні, гулялі ў вясёлыя беларускія гульні, чыталі вершы, танцавалі беларускія танцы. Не абышлося без тэатральных пастановак.
Такія мерапрыемствы развіваюць дзяцей духоўна.
Таксама прайшоў кірмаш арганізаваны з вялікай дапамогай бацькоў, бабуль і дзядуляў нашых выхаванцаў. У гэты дзень дарослыя і дзеці куплялі які спадабаўся тавар: хрумсткія вафлі, духмяныя булачкі, салодкія пірагі, печыва, яблыкі. Найбольшым попытам карысталіся прысмакі, прыгатаваныя ўмелымі рукамі маці і выхавацеляў дашкольных устаноў.
 
Наша дашкольная ўстанова дзякуе ўсім тым, хто прыняў актыўны ўдзел у нашым свяце!
І спадзяецца на далейшае плённае супрацоўніцтва.

Больше фото и видео вы можете увидеть перейдя по ссылке.